Esther Littman ta presentá su buki ‘Rooted on Bonaire, a Dream Realized’ na Direktor di TCB Miles Mercera

KRALENDIJK- Esther Littman-Oliviera, kende huntu ku su defuntu esposo Steven Littman a funda Littman Jewelers na Boneiru, resientemente a presentá su buki titulá ‘Rooted on Bonaire, a Dream Realized’ na Direktor di TCB, Miles Mercera.

Den su buki “Rooted on Bonaire, a Dream Realized,” Littman-Oliviera ta skibi tokante nan mudansa pa Boneiru, e bida ku ela a traha huntu ku su esposo i su yunan, i e konekshon profundu ku e isla.

“Loke berdaderamente a yena mi kurason ta e manera ku Esther ta kompartí su storia di amor i ta honra e herensia di Steven Littman. Nan konekshon ta un testamento berdadero di e poder di amor i kompromiso,” asina Mercera a komentá tokante e buki. “Mi altamente rekomendá pa lesa ‘Rooted on Bonaire: A Dream Realized’ si bo ke sinti inspirashon i bo ke wòrdu rekordá di e echo ku bida tin hopi kos bunita pa ofresé!”