Notisia

EZ Air ta pidi pèrmit pa bula Medellín

Aeropuerto di Medellin, José María Córdova na Rionegro, Antioquia. Pòtret: Harald Linkels

Kralendijk/Willemstad- Segun e publikashon di aviashon, Torre El Dorado, EZ Air a entregá petishon pa por bula entre Kòrsou ku Medellín.

Segun Torre El Dorado, loke e ta deskribí komo ‘una nueva aerolinea’ EZ a pidi pèrmit na outoridatnan Colombiano pa bula dos buelo pa siman entre aeropuerto di Kòrsou e aeropuerto Internashonal di Medellín ku relamente ta mas serka di e suidat Rionegro ku Medellín.

E publikashon ta hasi menshon di e echo ku EZ Air tin mas ku 20 aña kaba ta bulando entre e islandan ABC, i tambe ku a aerolínea a ehekutando buelonan entre Kòrsou i Barranquilla kaba pa algun tempu.

Deel dit artikel
Rocargo
Rocargo
Rocargo
Rocargo