Fiskal mayó Walter Kupers a presentá su mes na prensa Boneriano

KRALENDIJK- Miembronan di prensa, djárason 8 di mart, tabatin oportunidat pa sera konosí mas di aserka ku e fiskal mayó Walter Kupers. 

E tin algun luna ta traha na Boneiru na Openbaar Ministerie. Sr. Kupers, a bisa su meta ta pa e sera konosí ku esnan ku ta traha den prensa. 

“Ta importante pa di ámbos banda, nos konosé otro. Mi no por papia di kasonan andando, pero si mi por konta ken mi ta. Mi a traha 20 aña komo fiskal na entre otro Neimegen i diferente otro parti na Hulanda. Promé ku mi a instalá komo fiskal, mi tabata polis”. 

Kupers a konta esnan presente tambe ku e ta ta siguiendo actualmente un kurso di papiamentu na Boneiru. Segun e fiscal, koleganan di trabou ta yudele ainda ku palabranan ku e tin difikultat kuné.   

Tres aña

E fiskal tambe a konta ku den pasado el a yuda kasonan pisá den e área di Karibe. “Mi tabatin un bunita trabou na Den Bosch i mi mester a lag’e pa bin traha na Boneiru pa un periodo di 3 aña”, asina Kupers a konta su audiensia.