Flamingo TV trahando duru pa drecha kabel di Internet ku a ranka kibra

Kralendijk- Flamingo TV ta trahando duru ku un tim di empleado grandi pa kaba di drecha e servisio di Internet, entre otro pa barionan Nort di Saliña i Rincon.

E kabel di internet a sufri un daño bastante grande djaweps, na momentu ku un loader i un dumptruck, ku tabata hasiendo trabou riba e kaminda temporario na altura di rotòndo nobo entra Kaya Amsterdam i Kaminda Djabou, a ranka e kabel kibra.

Aunke ku Flamingo TV a kuminsá traha pa drecha e daño kousá for di ayera nochi a laga sa ku nan lo no por a drecha e daño mas pa ayera nochi i ku mester a sigui traha riba esaki djabièrnè.

Reestablesé

E ekipo tékniko di Flamingo TV a asigurá AworBonaire ku e konekshon di internet lo keda reestablesé den transkurso di djabièrnè. Djabièrnè atardi ainda tabata drechando e último detayenan.