For di 1 di yüni hende ful bakuná no mester di PCR mas pa biaha di Aruba i Kòrsou pa Boneiru

Kralendijk- For di dia promé di yüni biaheronan for di Aruba i Kòrsou no mester hasi tèst mas di PCR pa por biaha bai Boneiru.

Pa no mester hasi PCR mas, paseheronan mester a pasa e último bakuna mas ku 14 dia pasá. E regla ta konta tambe pa hende ku a rekuperá di Corona i a pasa por lo ménos 1 bakuna. E medida ta konta ámbos pa residentenan di Bonaire, komo esnan di Aruba i Kòrsou.

Di otro banda, pasaheronan ku ta biaha pa Kòrsou i Aruba ainda sí mester pasa e PCR test ainda. Segun gezaghèber Edison Rijna kombersashonan ku Aruba i Kòrsou ta andando ainda i nan ta kanando bon. “E paisanan aki ta studiando e materia ainda i mester hasi sierto preparashon legal ainda, pero tur hende ta deseá pa por yega na un biahamentu pa hende bakuná sin mester hasi PCR test.