KRALENDIJK- Djaweps 3 di novèmber, a tuma lugá instalashon di Konseho di Studiante. Un grupo di persona a keda rekonosé i tin komo tarea pa ta e bos aktivo, di e studiantenan i ta promové kalidat i servisio brindá na e studiantenan, for di awor pa dilanti.

Cristina Dominguez i Vasquez Representante di konseho di studiante i Desiree Manuel Kwaliteit Medewerker Onderwijs mènedjer a bisa: ”Awe nos ta aki i ta hopi kontentu, nos a firma e konseho. Esaki ta bai hisa e nivel di enseñansa. Ta importante pa nan ta duna nos informashon pa asina nos sa kua direkshon nos mester bai. E konseho di studiante no tabata eksistí i e ta bai bira un punto importante pa nos. 

Tarea

Justin Bravo i Johana Sanabria, Representante di konseho di studiante nan di FORMA a bisa: “Nos a pasa un elekshon i esnan ku ta presente ta pa medio di e studiantenan nan ta aki nan i nan ta bai pa kontribuí i ta entusiasmá pa e tarea. Un reto grandi ku nos ta bai pe, pa atendé ku e tareanan.”