Kralendijk- Frakshon Coffie ke sa di Kolegio Ehekutivo kon a para ku e investigashon na supuesto iregularidat na laboratorio BonLab. E frakshon a hasi un kantidat di preguntanan por eskrito tokante e situashon.
“For di komienso di aña 2020 ku aprobashon di hunta di komisa-rio i reunion di akshonistanan di BHM, a pone direktor di BonLab N.V. riba “non-actief” pa a laga hasi un investigashon pa posibel iregularidatnan na BonLab, asina e karta di Frakshon Coffie ta bisa.
E frakshon ta mustra riba echo ku nos ta na aprel 2021, 16 luna mas aleu i siendo ku -segun informashon di e frakshon- e investigashon a keda konkluí i poné den un rapòrt, te awe ningun akshon a keda tumá a lo ménos visibel pa komunidat. “Un situashon indeseabel i no korekto”, asina e karta ta bisa.
Informashon
Miembro di konseho Insular, Daisy Coffie, ta pidi pa Konseho Insular wòrdu informá di e resultadonan di e investigashon ku a hasi, i kiko e siguiente stapnan ku ta bai tuma. Tambe Coffie a pidi pa Konseho Insular por risibí tur dokumento di e investigashon ku a hasi e su konklushonnan. Nan lo ke wak esaki den próksimo reunion di Konseho Insular.
Tjin Asjoe ke mas atenshon pa bienstar di animal riba na Boneiru
Boneiru ta selebrá 15 aña di buelonan di Delta Airlines
Daisy Coffie a bishitá Cargill Salt
Gobièrnu di Boneiru porfin a subi preis máksimo pa webunan importá
