Notisia

Franklin Antoin hopi desapuntá den aktitut di Aeropuerto Flamingo

Franklin Antoin hopi desapuntá den aktitut di Aeropuerto Flamingo

KRALENDIJK- E motor tras di e skol pa piloto lokal Falki Aviation, Franklin Antoin, ta hopi desapuntá den e forma di proseder di Aeropuerto Flamingo, despues ku esaki a pone un konteiner riba tereno di aeropuerto pa krea asina un espasio di ofisina pa e kompania Kolombiano Sarpa. 

Esaki por dedusí di loke Antoin a skibi riba medianan sosial djarason. “Nos tin 8 aña si no ta mas ta pidiendo airport un “stukje grond” pa nos por pone dos container ku un pida dak pa nos mekánikonan por hasi mantenshon responsabel, sigur, safe riba tereno di BIA. Nos ta operando for di aña 2011 ku avioneta nan chikitu ku awor a yega un total di 6. Sèmper a neglishá nos petishon pa esaki”, asina Antoin a bisa. 

Antoin a bisa tambe ku a keda hopi soprendé ora mira aeropuerto instalando un espasio pa ofisina pa Sarpa. “Awe pa mi gran sorpresa mi ta mira moveshon riba e parti ku nos konosé komo General Aviation. A bin pone un container dilanti nos avionan kasi riba platform. Ora ku mi a find out a resultá ku SARPA (kompania djafo, di Colombia) a laga pone un container di 40 pia pa por wòrdu usá komo nan ofisina. Dus tòg por i SÍ por”, Antoin a sigui bisa. 

Keho

E parti di e ofisina pa Sarpa, no ta e úniko keho di Antoin. Asina ta menshoná ku un konbenio (convenant) ku e organisashon tabata tin ku BIA a wòrdu halá aden. Esaki a kondusí, entre otro, na un subida di gastu di 400%. Según Antoin ta trese dilanti, a primintí sin kumpli. 

E piloto Boneriano di promé ora a skibi tambe riba su página personal ku e lo skibi un karta ofisial pa direktor di BIA, Maarten van der Scheer, pa protestá loke a sosodé. 

Deel dit artikel
Rocargo
Rocargo
Rocargo
Rocargo