ORANJESTAD- Muchanan di YMCA tabata tin algu èkstra pa selebrá durante nan sena anual di pasku, ora ku tripulantenan di Freewinds a pasa i laga un kaha grandi di sorpresa na ámbos sentro, na Dakota i Sanicolas.

Tripulantenan di Freewinds a yega ku un kaha grandi, yená ku regalonan lorá pa mucha di tur edat. Manera kustumber di e último tres añanan, e regalunan a wòrdu entregá bou di alegria i e muchanan tabata hopi entusiasmá pa wak kiko nan lo risibí e aña aki. Na final, tur mucha a keda masha kontentu i agradesido pa nan regalito di parti di Freewinds.  

Danki 

“Un danki spesial pa Freewinds, ku un biaha mas a hasi un donashon den forma di un regalo pa kada mucha ku ta formando parti di YMCA i di nos programa despues di skol. Boso kontribushon i sosten ta hasi ku nos por krea mas memoria bunita i ku ta hasi e selebrashon di Pasku unu mas mágiko. Nos ta apresiá esaki masha hopi mes”, asina Inki Geerman di YMCA Aruba a komentá.