KRALENDIJK- Djaweps 27di òktober, Fun Miles a lansa un kampaña, wega klásiko di kwartèt. Na e okashon Cristeny van Berkel tabata for di Kòrsou presente na Boneiru. El a duna un splikashon tokante e kampaña di fin di aña di Fun Miles i e partisipantenan. Cristeny, a duna un splikashon tokante e kampaña.   

“Ta un tradishon stimá: e fiesta di premio na fin di aña di Fun Miles i su partnernan. E aña aki, ta trata di e wega klásiko di kwartèt, kombiná ku e tema di futbòl p’e próksimo temporada. Miembronan ku shòp na partnernan partisipante lo kolekta karchi di Fun Quartet. Mester plak esakinan (ku leim) riba e bòrchi di wega i asina por partisipá pa e premionan grandi manera: Suzuki Swift nobo nobo Chevrolet di AutoCity i hopi premio mas. 

Aparte di esaki tin mas manera masha inovativo pa gana: e karchinan di Fun Quartets ta bin ku un kódigo úniko ku ta pèrmití e miembro pa hunga i gana premionan instantáneo den e ‘Scratch & Score’ riba e websait, funmiles.net. Pa gana e wega mester skop e bala i hinka gol. E premionan instantáneo esakinan por wòrdu reklamá mesora serká e Fun Partner. E kampaña ta bálido te 12 di yanüari, 2023. 

Van Berkel a splika tambe, kon ta hunga e wega:’Riba e bòrchi di wega, miembronan tin ku plak 4 kategoria kompletu. Un di e kategorianan, mester ta di 1 spònser prinsipal, por ehèmpel Kooyman. Unabes esaki ta hasí, mester depositá e bòrchi di wega den e buzon na kualke Fun Partner ku chèns di gana e premio grandi. E karchi grandi por wòrdu usa tambe pa hunga ku henter famia. Ta hopi ‘fun’ pa kolekta e serie (na tur 12 kwartèt) i warda esakinan den un kaha speshal di kolekshon ku ta optenibel na diferente Fun Miles Road Show ku lo bai tin. (miéntras tin na stòk)’. 

Weganan onlain

Banda di esei por gana diferente premio èkstra online. Mas informashon por wòrdu hañá na e wèpsait di Funmiles: www.funmiles.net