KRALENDIJK - E fundashon Fundashon Across the Isles ke, apesar di e terminashon di e koperashon ku De Nederlandsche Bank (DNB), sigui ku su trabounan. Esei inisiadó Arjen de Wolff ta bisa djaluna anochi riba preguntanan di ABC Online Media.
Anteriormente riba djaluna a saka un deklarashon kaminda DNB i Between the Isles ta indiká ku den un akuerdo mutuo ta yega na terminashon di e koperashon, kaminda DNB lo a pone un montante signifikante di plaka disponibel, pa entre otro konstrukhon di un monumento pa rekordá e pasado di sklabitut.
E anunsio di algun siman atras a kondusí na hopi indignashon riba e isla, ora a resultá ku e organisashonnan regular no tabata enbolbí en apsoluto den e plan di DNB. Apenas e Banko por a kontestá e pregunta a base di kiko el a yega na su desishon pa otorgá e fundashon resien lantá semehante supsidio.
Debí na sonido- i preguntanan krítiko di entre otro e website Dossier Koninkrijksrelaties, DNB a duna di konosé di hasi un investigashon un biaha mas di e orígen di e fundashon i e supsidio ku entretantu a otrogá. Mientrastantu Across the Islands a manda vários karta di menasa pa persona- i instanshanan ku a papia negativo di e Fundashon i mui en espesial su miembro di direktiva De Wolff.
Mas klaridat
Djaluna anochi De Wolff a duna di konosé ku djamars e fundashon lo saka un komunikado di prensa, kaminda lo elaborá riba e situashon. Tambe Across the Isles tin pensá pa duna mas splikashon di su plannan pa futuro den un konferensia di prensa.