KRALENDIJK – Djaweps awor,  e Fundashon Across The Isles (FAI) lo lansa su promé programa na Boneiru. Durante un konferensia di prensa, lo duna informashon di kiko e Fundashon aki lo bai hasi. 

Ta trata di un  un programa ku ta finansiá pa De Nederlandsche Bank (DNB), ku enfoke riba konsientisashon tokante historia di sklabitut i su influensha riba e tempu di awor.

E programa ta inkluí investigashon sientífiko tokante rebeldia den tempu di sklabitut, desaroyo di material edukativo, kreashon di un lugá di herensia i un eksposishon final.

E proyecto ta kreá pa sostené organisashonnan lokal i inisiativ nan di siudadano i pa inkorporá nan den e ehekushon di aktividat.

Banda di ehekushon di e programa, e Fundashon lo  traha tambe riba e fundashon di un plataforma di supsidio, ku ta dirigí pa ekspertonan di Boneiru i islanan hermana. “Ku e plataforma aki, FAI lo duna guia na e organisashonnan chikitu ku tin difikultat ku e petishon di finansiamientu,” asina bosero di e Fundashon a bisa. 

Konesementu i koperashon 

Ku e inisiativanan aki, fundashon Across The Isles lo bai hunga un ròl importante den e aumentu di konesimentu i fortifikashon di koperashon den e komunidat Boneriano.