Fundashon Alton Paas ta organisá e di ocho edishon di Fitness Challenge

WILLEMSTAD – Fundashon Alton Paas ta organisá e di ocho edishon di Fitness Challenge riba 2 di mart. Públiko mester a warda dos aña pa motibu di e pandemia di COVID.

Alton Paas a lanta Fundashon Alton Paas na aña 2012, despues ku tres aña promé e tabata embolbí den un aksidente di tráfiko serio. El a keda paralisá a konsekuensia di un leshon na e kolumna vértebra. Su fundashon tin  komo meta pa duna kuido na personanan ku un leshon na e kolumna vértebra.

E Fitness Challenge Annual ta pa tantu personanan salú komo personanan ku un limitashon. Tin diferente seshonnan di fitness, un kaminata i ‘spinning’.

Alton Paas ta spera ku e Fitness Challenge Annual ta genera sufisiente fondo pa por finansiá otro evento tambe di e fundashon.