KRALENDIJK – Djabiѐrnѐ anochi direktiva di Fundashon Alzheimer Bonaire, komo parti di su programa anual, a organisá un anochi di informashon na Sentro di Bario Amboina, ku komo oradó e sikólogo di grandi Marije Veenstra.

Mirando ku pa e islanan i pa Boneiru un sikólogo di hende grandi ta algu nobo den sektor di kuido i pa Boneiru  un primisia, direktiva a opta pa duna miembronan di famia, kuidadónan kaloroso kolaboradónan den kuido e oportunidat pa sera konosí ku señora Veenstra i tambe pa konesé kontenido di su funshon, pero tambe kon e komo sikólogo di grandi por ta na servisio ora ta sigui mehorá kalidat di kuido na nos dushi Boneiru.

Bunita

Tabata un bunita anochi ku un sala yen di interesado, entre nan tambe kolaboradó den kuido. A hasi hopi bon pregunta ku un interakshon perfekto kaminda e tópiko demensia a haña e atenshon nesesario.

Presentenan, oradó i direktiva ta wak bѐk riba un anochi di informashon bon bishitá i eksitoso.