Notisia

Fundashon Klave a duna informashon tokante karnaval 2023

Gabriel Pourier (man drechi) i Medardo Thielman a duna algun informashon preliminar pa ku Karnaval 2023. Pòtret: ABC Online Media

KRALENDIJK- Fundashon KLAVE djabièrnè 25 di novèmber a papia ku prensa tokante e programa di karnaval ku nan tin pa 2023. Na mesa tabatin Gabriel Pourier komo presidente, Medardo Thielman tesorero.  

“KLAVE ta organisá karnaval 2023. Na final di karnaval  2020, nos a bisa ku tabata nos último biaha, ku ta organisá e temporada di Karnaval. 2 aña no tabatin Karnaval debí na e pandemia di covid-19 i gobièrnu i SKAL aserka nos pa organisá i nos a tuma den. Niun otro organisashon no tabata interesá pa hasié”, Gabriel Pourier a splika na nòmber di e fundashon. 

Ambachschool bieu ta bai ta e sentro di KLAVE. Kaminda ántes tabata paga number di outo na Playa Pariba. Na e sitio por yega serka Klave su hendenan pa atendé loke bo ta deseá. Grupo por pasa pa inskribí i tur otro por pasa 2 dia durante siman, djamars i djaweps. Nos mester di spònser pa selebrá e fiesta grandi aki di pueblo. Esnan ku ta deseá pa kontribuí, spesialmente esnan ku ta hasi negoshi, kontribuí ku nos i e gruponan pa bai karnaval. Na yanüari ta bai tin diferente aktividat relashoná ku Karnaval.”

Prekario

Medardo Thielman a papia tokante e asuntu di prekario “Tur hende por pasa na ofisina pa informashon i registrashon. E preis pa prekario awor ta den kombersashon. No ta bai ta hopi sèn. Buska bo lugá trempan. Ta bai ta posibel pa paga online i kèsh. Por paga pa pone stul tambe pa bo ta sigur di bo sitio pa sinta wak karnaval. Tur área ku reserva, mester paga pe.” 

Deel dit artikel
Rocargo
Rocargo
Rocargo
Rocargo