Notisia

Futbolista Quincy Hoeve ta na Boneiru

KRALENDIJK- Riba djamars anochi e hungadó di futbòl Quincy Anthony Edgar Nathan Hoeve, a pisa suela na Boneiru. E tabata na Hulanda i a bin pa reforsá e Selekshon Nashonal di Boneiru ku ta den preparashon. 

Gran parti di amigu i miembronan di tim di Atlétiko Tera Còrá (ATC), tabata na Aeropuerto Flamingo, pa spera su yegada. Momentu ku el a presentá na porta di yegada, un emoshon enorme di parti esnan ku a bin topa kuné. Despues ku nan a kumind’é, a saka un potrèt di grupo i pa e sigui dirèkt pa tereno di trein di ATC. Ya e selekshon nashonal ta praktikando i el a bai pa kuminsá trein ku nan.   

Portugal

Quincy Anthony Edgar Nathan Hoeve, a kuminsá trein serka ATC i despues el a bai Hulanda i a pasa di Sparta R. U17, Sparta R. U18, Gil Vicente B. Aktualmente e ta hunga na Portugal den promé divishon. E Selekshon Nashonal, otro luna promé di yüni, lo representá Boneiru den Concacaf Clubshield. 

Quincy ta e úniko hungadó di Boneiru ku a lanta den ATC, for di U11 te U19, i awor ta  hungando futbòl profeshonal, den e ekipo Gil Vicente FC na Portugal.   

Deel dit artikel
Rocargo
Rocargo
Rocargo
Rocargo