Gang di arte: un trayekto artístiko pa hobennan lokal

KRALENDIJK- Bo ta entre 13 i 23 aña i ke demostrá i desaroyá bo talento? Sea bo ta baila, kanta, aktua, deklamá, rap, toka, pinta, etc, tur forma di arte ta bon biní. Inskribí awor pa bo forma parti di Gang di Arte Bonaire.

Gang di Arte en kombinashon ku ACE Foundation ta ofresé tur hoben un podio habrí patrosiná pa Banco di Caribe i OLB. Partisipando e miembronan lo pasa den un periodo di sera konosí i teambuilding siguí pa un showcase kaminda nan por presentá nan talento dilanti di un publiko i hurado. E showcase lo tuma lugá 9 di december 2022 di 20:00 pa 21:00 or na Jongbonaire. E hurado lo duna e partisipantenan konseho i puntonan di atenshon. Durante e temporada binidero e hobennan lo bai traha huntu ku dosentenan profeshonal riba e puntonan di atenshon ku nan a risibí. Siguiendo e trayekto di Gang di Arte e hobennan lo bin na remarke pa partisipá na workshop, presentashon, kompetensia i interkambio ku paísnan den reino. Gang di Arte ta krea oportunidat pa hobennan lokal saka mas tantu posibel for di nan talento i kreatividat.

Pa mas informashon i inskripshon por tuma kontakto via
Whatsapp: +599 7013960
E-mail:       gangdiartebonaire@gmail.com