KRALENDIJK- Gasolin entrante djabièrne dia 10 di mart ta bai subi ku un total di 11 sèn pa liter na Boneiru. Esaki ta nifiká un subida di mas ku 8 porshentu. 

E preis nobo lo ta di 1 dòler ku 46 sèn, kompará ku 1 dòler i 35 sèn te awor. Preis di disel tambe ta subi, pero muchu ménos ku solamente dos sèn pa liter. 

Bòternan di gas tambe ta subi. Preis di un bòter grandi ta subi ku 1 dòler i 47 sèn, mientras un bòter chikitu ta subi 43 sèn.

Entidat públiko ta rekordá outomobilistanan ku ainda tin un deskuento temporal riba e porsentahe di akseins ku ta kobra riba kada liter. Sin e deskuento temporal aki, e preisnan lo a subi mas drastikamente. 

Rei

Djaweps por a nota rei largu na diferente pòmpstashòn di hende ku ker a yena nan tanki, promé ku e subida di preis.