Notisia

Gasoline awor a subi na kasi 1,60 pa liter na St. Eustatius

ORANJESTAD- Shofùrnan di outo na St. Eustatius for di dia 18 di e luna aki tin ku bai paga kasi 1 dòler ku 60 sèn pa gasoline.

E prèis a subi di 1,53 pa liter, pa 1,575 pa liter. E prèis pa gasoil sin embargo no a subi i a keda na 1 dòler ku 18 sèn. Globalmente prèisnan di gasolina ta subiendo pa motibu di tenshonnan kousá pa e guera na Ukraina. 

Baha aksèins

Gobièrnu di Boneiru mientrastantu a manda un karta pa gabinete na Hulanda, pa pidi pa baha e kantidat di aksèins riba produktonan petrolero na Boneiru, pa yuda frena subida di prèis. Ounke preis na pòmp no a busi hopi ainda na Boneiru, por spera ku pronto e subida lo ta muchu mas drástiko. 

Na Hulanda siman pasá prèis pa un liter di gasolin a yega na 2,40 euro pa liter, e prèis mas haltu ku a yega di mira di historia. Na Hulanda tambe tin petishon pa baha aksèins riba produktonan petrolero. 

Deel dit artikel
Rocargo
Rocargo
Rocargo
Rocargo