Notisia

Gezaghèber Edison Rijna no a komprondé moshon di Tweede Kamer

KRALENDIJK- Gezaghèber Edison Rijna aparentemente no ta komprondé moshon di Tweede Kamer kaminda a suprayá ku gezaghèbernan mester asumi un ròl neutral di votamentu tokante asuntunan manera permit i kambio di destishon di zonanan riba e isla. 

“Mi a tuma nota di e moshon en kestion. Mi lo pidi konseho tokante esaki i na su debido tempu mi ta bini bèk ku un reakshon. Ta remarkabel sí ku Tweede Kamer a bini ku e moshon akí i a asept’é. E moshon ta bai por ehèmpel solamente tokante gezaghèber i no tokante ‘burgemeester’, miéntras ku tur dos ta ehersé e mésun ròl den kolegio ehekutivo. Mas aleu neutralidat di gezaghèber pa mi no ta punto di diskushon’, asina Rijna a bisa djabièrne atardi. 

Segun Rijna, e funshon di gezaghèber pa definishon tin un ròl neutral den kolegio ehekutivo.
“Ta a base di e ròl neutral akí ami ta aktua tambe. Mi ta bai den konsulta ku mi kolega gezaghèber di Saba pa un reakshon konhunto riba e moshon akí”, asina Rijna a termina.

Kontroversial

Aunke Rijna no ta parse di komprondé e pakiko di e moshon den parlamentu hulandes, hopi opservadó polítiko ta komprondiendo esaki debidamente. Na Boneiru hopi hende a keda asombrá, pa no bisa disgustá di e ròl di Rijna ora di vota pa aprobá un permit pa Sunset Beach Resort. 

Deel dit artikel
Rocargo
Rocargo
Rocargo
Rocargo