KRALENDIJK- Gezaghèber Edison Rijna riba djaluna a pone su firma bou di un asina yamá Memorandum of Understanding (MOU) huntu ku e otro islanan Hulandes den Karibe, Hulanda i e asosiashon di aeropuertonan di Hulanda, pa hasi un estudio na ehekushon di komunikashon áereo eficiente i duradero entr principalmente Aruba, Boneiru i Kòrsou, pero tambe entre St. Maarten, St. Eustatius i Saba. 

E firmamentu ta tuma lugá den kuadro di un konferensia di en total 4 dia, kaminda ta papia tokante e posibilidatnan ku bulamentu ku avionnan eléktriko lo trese kun’é dentre di algun aña. 

Impuesto

Komo parti di e diskushon a bini dilanti tambe e echo ku aeropuertonan mes tambe ta kobrando impuestonan haltu pa biahenan entre e islanan. Komo parti di e diskushon, lo mester kontemplá tambe si lo baha òf asta eliminá impuesto pa biahamentu entre e islanan di anterior Antia Hulandes i Aruba, pa hasi esaki mas barata.