Kralendijk- Aunke Boneiru ta keda pa awor den kategoria di riesgo 2, gezaghèber Edison Rijna durante konferensia di prensa djaweps mainta a hasi un apelashon riba siudadano pa aktua di forma responsabel.

Ya ku e riesgo di kontagio ta keda eksistí, spesialmente ku presensia di e variante Delta presente riba nos isla, no por baila ni hasi fiesta den un espasio serál

Rijna a hasi un apelashon riba siudadano pa nan mes tambe yuda prevení kontagio inesesario, dor di mantené distansia i kumpli ku e reglanan ku ta pas ku nivel di riesgo dos.

Mas kontagio

Dr. Marian Luinstra a bisa ku aunke e grado di kontagio na Boneiru ta keda relativamente abou, tòg por nota ku di siman pa siman, tin un subida level di kantidat di kontagio riba nos isla. Kontrali na e situashon na Kòrsou, Aruba i St. Maarten, Boneiru te asina leu no a mira un brote nobo di e kantidat di kontagio.