Gezaghèber lo ke mira 75% di adultonan na Boneiru bakuná

Kralendijk- Gezaghèber Edsion Rijna lo ke mira 75% di e adultonan na Boneiru bakuná promé ku luna di yüni 2021, di moda ku e isla por habri bèk na un manera seif.

Esaki Rijna a bisa djaweps mainta den un entrevista ku Sylvia de Leon, di AworBonaire i Bonaire.nu. Na tur tin masomenos 16.000 adulto riba e isla. Esaki ke men ku masomenos 12.000 inhabitante lo mester wòrdu bakuná. Segun Rijna a splika, esaki por sosodé solamente si logra pasa mas hende e bakuna pa dia. ‘E intenshon ta pa habri mas linea pa bakuná, i tambe e idea ta pa kuminsá bakuná 6 dia pa siman, na lugá di 5’.