Gezaghèber Rijna i sekretario di estado Knops preokupá ku ta ehekutá Akuerdo Intergubernamental muchu poko poko

Kralendijk – Den Haag – Gezaghèber Rijna durante su bishita na Den Haag a papia ku sekretario di estado Raymond Knops (Asuntunan Interior i di Reino) tokante e desaroyonan aktual na Boneiru.

Un di e tópikonan ku a subi mesa ta e progreso di e Akuerdo Intergubernamental ( Bestuursakkoord). Gezaghèber Rijna i sekretario di estado Knops ta kompartí e preokupashon ku ainda no a kuminsá realisá hopi di e proyektonan. Nan tur dos ta di akuerdo ku realisashon di algun parti di e  Akuerdo Intergubernamental ku a kai atras pa realisá, manera drecha kamindanan, mester keda ehekutá  ku mas ánimo.

Durante su próksimo bishita di trabou na Boneiru kuminsamentu di yüli, sekretario di estado Raymond Knops lo papia ku Kolegio Ehekutivo kompleto tokante di esaki.

---

Lesa tambe:

• 
  Kuater grupo di mucha a sali pa Paraguay pa kompetí den Consejo Sudamericano de Deporte Consude
• 
  Solamente por pasa angua kontra Korona ku sita
• 
  Gang di arte: un trayekto artístiko pa hobennan lokal
• 
  CBS: porsentahe di poblashon di Boneiru ku ta bou di e nivel di pobresa nashonal ta birando ménos 
• 
  Despues di un búskeda polis i wardakosta a haña dos persona di edat ku tabata perdí