Notisia

Gezaghèber Rijna kontentu ku sierto servisio ta keda kai bou di gobièrnu

Segun Rijna ta un bon kos ku sierto servisio esensial ta sigui kai bou di gobièrnu di Boneiru. Pòtret: EPB

KRALENDIJK- Gezaghèber Edison Rijna ta kontentu ku e tedensia pa privatisá servisio di gobièrnu no a tuma formanan ekstremo ainda na Boneiru. Esaki e promé mandatario a bisa durante un dia spesial ku a organisá pa tur kompania i Fundashon di Entidat Públiko Boneiru (EPB). 

‘Na Hulanda tin ful un diskushon andando tokante si e asina yamá ‘marktwerking’ no a bai muchu leu. Na Boneiru nos mester ta kontentu ku e servisionan mas importante ku ta bou di akshonado kompleto di gobièrnu”, asina Rijna a trese dilanti. 

Rijna ta mustra si ku echo ku sierto kompania ta keda kai bou di responsabilidat di gobièrnu ta trese sierto responsabilidat kuné tambe. “”Huntu ku otro nos tin ku sigui e reglanan di wega i nos mester tin un vishon pa futuro, di manera ku e Hunta di Komisario i e gerensia por hasi nan trabou bon”. 

Vishon

Segun Rijna den e tempu binidero e vishon pa futuro lo para sentral serka EPB komo akshonista.

Deel dit artikel
Rocargo
Rocargo
Rocargo
Rocargo