DEN HAAG – Komo promé mandatario for di e parti karibense di Reino, gezaghèber Edison Rijna a sera konosí ku e presidente nobo di e komishon di Tweede Kamer pa Relashonnan den Reino, Mariëlle Paul (VVD). Resientemente Paul a keda elegí komo susesor di Jan Paternotte.

E enkuentro na edifisio di Tweede Kamer a tuma lugá djis despues ku Paul a presidí e promé debate di e komishon ku sekretario di estado pa Relashonnan den Reino Alexandra van Huffelen. Dia 23 di mart ta sigui un di dos debate ku lo ta kompletamente dediká na e desaroyonan aktual na Hulanda Karibense. Ku bista riba esaki gezaghèber Rijna a papia ku Paul tokante desaroyonan aktual na Boneiru.

Bishita

Gezaghèber Rijna a ekspresá e speransa ku señora Mariëlle Paul tin oportunidat pa pronto hasi un bishita di trabou of di vakansi na Boneiru pa siña konosé nos isla mas mihó.