Gezaghèber ta advertí: Mester mantené na regla pa kontené brote di Corona

Kralendijk- Por lo pronto lo no bin ku medida adishonal pa logra frena e plamamentu di Covid-19 na Boneiru. Esaki gezaghèber Edison Rijna a partisipá den un konferensia di prensa djaweps atardi.

Na mes momentu Rijna a advertí ku ta responsabilidat di un i tur pa mantené nan mes na e reglanan ku ta kuadra ku nivel di riesgo 5. Segun Rijna, ainda ta posibel pa kontene e brote aktual. “Esaki ta un responsabilidat di nos tur” asina Rijna a bisa.

Rijna a enfatisá na diferente moment, ku no ta e kantidat di hende infektá so ta determiná si ta implementá medida aún mas severo.

Tèst

Dòkter Marian Luinstra-Passchier a bisa ku ta spera ku lo bin mas infekshon, promé ku e kantidat di infekshon lo baha bèk. Luinstra Passchier a bisa ku e ta kontentu ku mas hende ta bin pasa tèst e dianan aki. “Nos ta mira mas ku 100 hende ku ta bin pasa tèst pa dia”. E dòkter a agregá ku ta importante pa hende yuda kontené e plamamentu di e virus, por ehèmpel di keda kas ora sinti síntoma i pa hende ku ta den karentena, mantené na esaki i no sali for di kas.

• 
  PDB ta instalá komishon pa sondea posibilidat ku otro partidonan
• 
  Programa di NOS-TV ‘Boneiru Ta Vota’ a yega su fin
• 
  Kambio polítiko riba e islanan, pero backstage
• 
  Apelashon pa dos hóben ku a trapa dos persona mata na Kaminda pa  bai Westpunt
• 
  E hòmber ku nan a maltratá seriamente den luna di yanüari na Aruba a fayesé