Notisia

Ghyslaine Monta ta presentá su promé eksposishon.

Ghyslaine Monta ta presentá su promé eksposishon.
Foto’s, tekst en vertaling Monalisa Domacasse

E artista di 28 aña, nasé na Kòrsòw pero desendiente di Rincon, a imigrá na Boneiru 2 aña pasá. Via e programa di TOP Trainee el a kuminsá su karera na Kámara di Komèrsio.

‘For di grupo 8 na skol básiko, mi a kuminsá pinta. Na Hulanda mi a tuma tempu pa profundisá mi mes den e arte aki. Mi a siña mi mes diferente téknika.’ E akademia di arte na Hulanda a rechasá e aplikashon di Monte. ‘Nan no tabata impreshoná ku mi portofolio. Na promé instante esaki a hasí mi hopi insigur. Pero mi a sigui riba forsa propio i awe atá mi aki. Arte ta hasí mi liber. Eksperensia personal kombiná ku loke mi ta sinti, ta mi inspirashon’, segun Monte.
Mayoría di su kuadronan ta trese rekuerdo di un temporada den su bida.
‘ E tapeit hel’ ta kòrdá mi riba kultura, e palu di Kibrahacha i hunga ku téknika nobo. Pa mi parti esaki ta mi kurá. E ‘muhé drumí’ ta representá un periodo den mi bida: mi tabata sintí mi mi so i insigur. Na un momento asina mi tin e tendensia di drumi den forma di un feto.

Pòrtrèt proprio
Esaki si a tuma hopi tempu. Mi kanvas a kibra, pero i no ker a perde e arte aki. Na momentu ku mi a disidí di usa kòrant komo solushon, mi a tuma nota di diferente palabra manera durare, naturalesa, opinion, brasa i lambe ‘back in business’. Simbólikamente mi tabata ‘drechando’ mi mes. Riba e kuadro aki mi ta sunú, pero no eksponé. Ta meskos ku mi hasi mi mes vulnerabel. E koló blanku den e kabes ta representá pas mental. E koló kla den area di kurason ta e amor ku mi tin pa arte.

Mi meta ta pa di inspirá un i tur pa ekspresá nan kreatividat.

E ta invitá tur hende pa pasa mira su obranan i tambe mir’é trahando riba esakinan. Su studio ta habrí di 1 pa 7 di ougùstùs na Kaya Julio Abraham 10.

Deel dit artikel
Rocargo
Rocargo
Rocargo
Rocargo