Gobièrno ta bai kambia forma di presentá sifra di bakunashon

Kralendijk- Entidat Publiko Boneiru ta bai kambia su forma di raportá progreso ku bakunashon riba e isla. Hopi hende ta kritikando ku for di e tabèl ku sifra ku gobièrnu ta manda pa prensa tur dia, no por dedusí fásilmente kuantu hende a bakuná riba un dia partikular.

Esaki ta kondusí na impreshon ku ta bakunando ménos hende ku ta bakunando berdaderamente. P’esei, ta trahando riba un forma nobo di presentá e sifranan diario di bakunashon, ku lo mester kuminsá usa entrante siman benidero.

Manera AworBonaire ta komprondé di su fuentenan, departamentu di Salubridat Públiko i departamento di Komunikashon di gobièrnu ta poniendo último man na e tabèl nobo ku mester trese mas klaridat i ménos konfushon.