Notisia

Gobièrnu di Boneiru porfin a subi preis máksimo pa webunan importá

KRALENDIJK- Entidat Públiko Boneiru (EPB) porfin a establesé un preis máksimo nobo pa un dozein di webu importá. 

E preis aktual pa webu di galiña importá ta data for di 2017. Den luna di yüni 2022 importadónan di webu di galiña a entregá un petishon pa adaptashon di e preis di benta por mayor i por menor a base di e preis di kompra ku a oumentá. A usa e informashon optené komo base pa adaptashon di e preis máksimo pa webu di galiña ku no ta produsí na Boneiru. 

Ku e meta pa hasi disponibilidat di webu di galiña importá posibel riba merkado lokal pa kombatí e skarsedat di e último lunanan, Kolegio Ehekutivo a disidí pa entrante 25 di novèmber 2022 adaptá e preis di benta por mayor i por menor di webu di galiña importá. E preis di benta por menor pa webu lokal no ta kambia.

Preis nobo

E preis nobo pa un dozein di webu importá ku un peso mínimo di 730 gram òf mas den pakus awor a keda establesé na 3 dòler ku 46 sèn.  Preis máksimo di webunan produsí lokal no ta kambia. 

Deel dit artikel
Rocargo
Rocargo
Rocargo
Rocargo