Gobièrnu di Boneiru ta atvertí  kontra posibel glas kibrá den sierto bòter di marka Heineken

KRALENDIJK- Entidat Públiko Boneiru ta atvertí konsumidó di serbes riba e isla di tene kuenta ku sierto bòter di e marka Heineken ku lo por tin pida glas den nan. Ta trata di sea e serbes Mono i tambe Heineken 0%, ku alabes mester tin fecha di kadukashon 31 di yanüari 2023. 

Segun gobièrnu a bisa den transkurso di djabièrnè, lo ta mihó pa no konsumí e produktonan, ku e fecha menshoná mes.