WILLEMSTAD – Djarason gòbièrnu di Kòrsou a kai. Esei promé minister Gilmar ‘Pik’ Pisas a konfirmá. Último dianan e tenshon tabata kresiendo entre MFK i e dos miembro di Staten pa PNP, Sheldry Osepa i Gwendell Mercelina. Esei a kondusí na e echo ku MFK a laga sa den un karta ku nan no ke sigui traha mas ku e dos parlamentarionan aki. Despues PNP a disidí pa finalisá e kolaborashon. 

Tur kos ta mustra ku e partido ta hibando kòmbersashonnan ku e miembro di Staten independiente Zita Jesus-Leito i frakshon di un persona KEM pa afiliá na MFK. Di e manera aki e koalishon tin sosten di djesun parlamentario, un mayoria pèrtá ku kua por sigui goberná.

Mercelina i Osepa a ataká minister di Finansas Javier Silvania durante un reunion den parlamento riba su desishon pa eksonerá debenan di impuesto atrasá. Nan a yama e minister i su partido inkonfiabel.