Gobièrnu hulandes ta bai disidí pa unda tin mag di biaha atrobe

Kralendijk- E kabinete demisionario di Mark Rutte, e siman aki lo bai komuniká pa kua pais na mundu hulandesnan tin mag di biaha atrobe.

Te na e momentu aki, ta konsiderá hinter mundu ‘kódigo korá’ o sea peligroso pa biaha i ta deskonsehá turista aktivamente di biaha bai otro pais rònt mundu. Awor ku e kantidat di kontagio nobo ta bahando atrobe, i na diferente pais e bakunashon ta andando bon, ta bai rekonsiderá unda ta konsiderá ‘seif’ pa por bai ku fakansi.

A pesar di e kódigo korá ku tin aktualmente por a ripará ku turistanan hulandes ta sigui yega Boneiru tòg na kantidat basta grandi riba buelonan di KLM i Tui.

Tin rumornan ta kore ku ta indiká ku entre otro Boneiru lo por haña un kódigo hel, ku ta nifiká ku no ta deskonshá turistanan hulandes pa biaha pa e isla.

Lesa tambe:

• 
  A renombrá Representante di Reino interino pa Boneiru, Sint Eustatius i Saba
• 
  AFBW ta denunsiá abuso kontra di trahadó di HORECA na Boneiru
• 
  Gobièrnu di Saint-Martin ta kumpra Air Antilles den proseso di bankarota
• 
  Buelo di TUI ta keda pegá na aeropuerto di Boneiru
• 
  Plantashi Bolivia – parti 2: Historia i futuro