Gobièrnu ta bai hasi reparashon urgente riba Kaya Gobernador Debrot

Kralendijk – Entidat Públiko Boneiru ta hasi algu na e molèster di awa ku ta keda riba e kaminda na altura di Jachthaven/ Habour Village Marina. Otro luna Direktorado di Planifikashon i Desaroyo di Entidat Públiko Boneiru ta hasi algun reparashon di forma urgente na Kaya Gobernador Debrot.

Durante e trabounan di mantenshon tráfiko tin ku usa un kaminda alternativo. Ta konstruí e kaminda alternativo den e dianan akí. Ya kaba e trabounan pa esaki a kuminsá. Asin’aki outomobilistanan por sigui usa Kaya Gobernador Debrot. Ta pidi un i tur ku ta pasa einan  durante e trabounan pa baha nan velosidat i kore ku koutela.

E intenshon di Direktorado di Planifikashon i Desaroyo  ta pa kaba ku e trabounan di urgensia mas lihé posibel. Asin’ei tambe limitá e molèster pa tráfiko ku ta hasi uso di Kaya Gobernador Debrot.

Lesa tambe:

• 
  Famia tin mas ku djes dia ta  buska Pedro Werleman ku ta pèrdí
• 
  ‘Kada minister di Kòrsou un tarheta di krédito di 25.000 dòler pa biahamentu, lo spar sèn’
• 
   Búskeda di e persona pèrdí Arthur ‘Turbo’ Cecilia ta kontinuá
• 
  Daisy Coffie (M21) ke wòrdu aktualisá tokante situashon na Bonlab
• 
  Arjen de Wolff a huramentá komo grifir interino