Notisia

Gobièrnu ta bai investigá kalidat di gasolin i disel na Kòrsou

WILLEMSTAD – Ministerio di  Asuntunan Ekonómiko di Kòrsou ta laga hasi un investigashon independiente riba kalidat di gasolin i disel na Kòrsou. E kompania Aleman SGS INSPIRE ta bai ehekutá e investigashon.

Segun e minister e kompania aki tin hopi eksperensia i konosementu di e merkado di petroli i e kapasidat pa ehekutá e investigashon. Dia 22 di novèmber SGS INSPIRE a kuminsá ku entrevistanan na Kòrsou i lo terminá e fase aki di e investigashon  mañan.

Lo investigá diferente plataformanan di partinan interesá den e sektor. Esaki mester kondusí na rekomendashonnan. E kompania aleman lo bishitá tambe diferente kompania i instalashonnan den e sektor. E estudio total ta tuma alrededor di tres luna.

Pa fin di febrüari 2023 e resultado- i  rekomendashonnan di e investigashon lo ta riba mesa. E grupo di trabou ku ta sostené e estudio ta konsistí di representantenan di Desaroyo Ekonomiko i e ministerio di Salubridat, Medio-Ambiente i Naturalesa. Tambe representantenan di Curoil, Ofisina di Telekomunikashon i Pòst, Curaçao Heavy Equipment Association, e sindikato di transporte Sindikato Transporte Uní, Curaçao Car Dealers Association i representantenan di  pòmpnan di gasoline, entre kua AsoGas, Copda i Vanddis.

Deel dit artikel
Rocargo
Rocargo
Rocargo
Rocargo