Gobiernu ta firma akuerdo ku Bonaire Holding pa realisá vários invershon

KRALENDIJK- Djarason mèrdia diputado James Kroon i Adely Susana-Jansen, direktor interino di BHM, a firma un kombenio. Ta trata di akuerdo pa fondonan ku tin pa repartí  esaki den deporte, kultura i remodelashon.   

”Despues di hopi trabou nos por firma awe e vaststellingsovereenkomst, pa por sigui e kaminda pa ehekushon”, asina diputado James Kroon a bisa. Huntu ku Fundashon Wega di Number Boneiru(FWNB), ta bai hasi uso di e fondonan ku tin di 5 porshento ku a wòrdu reserva pa vários propósito durante aña. 

Kroon a splika ku, mientras a dura poko pa yega na e punto aki, huntu ku Bonaire Overheidsgebouwen (BOB) ta bai ehekutá e trabounan. Ta trata entre otro di fondonan ku Fundashon Wega di Number Boneiru (FWNB) ta hasi, pa invertí den en deporte, obranan karikativo i kultura.

E montante ta repartí den e 3 puntonan ta: 64 porshento pa deporte, 30 porshento pa Kultura i 6 porshento pa remodelashon di diferente tereno i krosban pa baiskel entre otro. Ya tin diferente trabou ku ta hasí òf den proseso.