KRALENDIJK – A pesar di e salida lat ku organisashon di e Karnaval di Boneiru 2024, mester bisa ku e gran marcha, spesialmente na Playa a sorprendé pa su grandura i tambe pa e echo ku esaki tabata hopi variá. 

Mester remarká sí ku tin un diferensia basta grandi den e nivel di detaye di e diferente grupo, kaminda sierto grupo tabata hopi luhoso, i otronan tabata muchu mas simpel. Esaki riba su no ta un problema, ni nada negativo. 

Tabata tin un hopi bon ambiente kant’i kaminda. 

Karnaval 2025

Mientrastantu tin tres diferente grupo ku ya kaba a mustra interes pa organisá karnaval 2025, ku pa e motibu ei lo ta ménos un kore-kore kompará ku esun di 2024. Spesialmente tumando en kuenta ku karnaval a kai hopi trempan e aña aki, mester felisitá ambos e grupo organisadá komo e gruponan partisipante ku un tremendo trabou.