Kralendijk- Un grupo di empleado di Selibon N.V. ta #BONBAKUNÁ for di e siman ku ta tras di lomba. E trahadónan a pasa nan di dos angua kontra corona na Kompleho Deportivo Jorge Nicolaas. Empresa, ofisina i organisashon ku ke pasa angua komo grupo, por registrá na 0800 0900.

Nan por duna di konosé tambe si nan ke pa saka un portrèt di e grupo despues di a bakuná.

Mas spit

Den simannan benidero departamento di Salubridat Públiko ke bakuná mas tantu hende posibel na Boneiru. E siman akí ta posibel pa pasa angua sin traha sita na Kompleho Deportivo Jorge Nicolaas di djaluna te ku djabièrnè di 17:30 – 19:30 or. Na Fundashon Mariadal por pasa angua sin traha sita di djaluna te ku djabièrnè di 09:00-14:00. Di 19 te ku 30 di aprel ta posibel tambe pa pasa angua kontra corona sin traha sita na sentro di bario na Amboina, Antriol, Nort’i Saliña, Tera Cora. Na Rincon habitantenan por pasa angua sin sita djárason.