KRALENDIJK – Un grupo di mucha awe, a sali pa Aruba pa kompetí den weganan Interinsular Eskolar na Aruba. Ta trata di 33 mucha huntu ku diputado Nina Francees-Den Heyer i nan coachnan. Diputado Nina a bai komo representante di diputado Clark Abraham, kende ta na Hulanda.

Un tim di INDEBON a bai ku e muchanan komo guia huntu ku e coachnan di kada rango di deporte. Nan a biaha pa Aruba i e weganan Inter Insular Eskolar. Na Boneiru tabatin weganan Eskolar i a saka e mihónan pa bai Aruba. Di Boneiru nan ta bai pa kompetí den trèfbal, esaki pa muchanan di  Kolegio Kristu Bon Wardadó, tambe wega di Dam i ahedres. E muchanan ta varia entre 9 pa 12 aña.

Mas deporte

E aña aki tin mas deporte, mas kategoria, manera basketbòl i aquatlon. Komienso di e weganan e aña aki ta na Aruba, despues Boneiru i último na Kòrsou. Danki na Fundashon Wega di Number Boneiru, pa a hasi e biahe posibel.