Gustavo Petro a hurmentá komo presidente nobo di Colombia

BOGOTA- Djadumingu Gustovo Petro a huramentá komo presidente nobo di Colombia. E presidente nobo ku tin 62 aña di edat, ku a keda eligí riba un agènda iskierdista mes tin un pasado komo gueriyero na e pais besino. 

Den un fase anterior, Petro a fungi tambe komo alkálden di Bogotá. E elekshon di Petro komo presidente nobo ta históriko den mas ku un sentido. Na promé lugá nunka ainda e pais a konosé un presidente iskierdista, pero pa promé biaha e pais ta bai haña un visepresidente feminino di orígen afro-kolombiano den persona di Francia Marquez. 

“Mi ta hura di ta fiel na nos konstitushon, pero tambe na nos poblashon”, asina Petro a bisa durante su instalashon. Petro ke baha e desiguadat ku ainta ta reina den e pais, kaminda ku kasi mitar di e poblashon ta biba den pobresa. 

Pas i trankilidat

Tambe Petro ku invertí den salubridat públiko i ela bisa ku e lo ke mira pas i trankilidat na Colombia. Entre otro e ke sigui ku e proseso pa desarmá grupo nan armá i di gueriya, pa baha violensia den e pais.