Habitantenan Kas di Kuido na Playa a pasa angua

Kralendijk – Habitantenan di Kas di Kuido di Fundashon Mariadal, FM, a haña nan promé bakunashon kontra e vírùs di corona. Ta bai pa mas ku dos terser di e grandinan ku ta biba aya.

Awe mainta personal di kuido di Fundashon Mariadal a pasa nan e angua na e kas di kuido. E habitantenan di Kas di Kuido ta kai den e grupo di enfoke di esnan riba 60 aña ku ta bakuná for di promé di mart.

E último dianan, hefenan di sekson di Kas di Kuido a tuma kontakto ku famianan outorisá i personanan di kontakto di e grandinan pa papia tokante bakunashon. Algun di nan a papia tambe ku e dòkternan ku ta trata e grandinan pa haña mas informashon. Finalmente dos terser di e apoderadonan a duna pèrmit pa laga bakuná nan miembro di famia òf ser kerí.

Hulanda

Na Hulanda a bakuná basta habitante di kas di kuido kaba. Segun RIVM ya kaba por mira e efektonan positivo di esei.  E kantidat di infekshon bou di habitantenan di kas di kuido ta baha.

---

Also read:

• 
  A sera evenemento di ProKids ku entrega di sertifikado
• 
  UPAH a organisá mainta sosial pa miembro
• 
  Kompetensia di ProKids ta tuma lugá na Boneiru e wikent aki
• 
  Dòkter van der Vaart ta risibí kondekorashon Real
• 
  Beach & Dive Resort Grand Windsock Bonaire a habri ofisialmente