KRALENDIJK – Entrante 14 di ougùstùs 2023, Kuerpo Polisial Hulanda Karibense lo bai tin un Hefe di Kuerpo Suplente/hefe di Operashon nobo: Sr. Rob Meijer. E ta sigui Ronald Zwarter, ku riba promé di òktober 2023, despues di un periodo di 4 aña, lo regresá Hulanda Oropeo i ku entrante komienso di 2024 lo bai gosa di su penshun bon meresí.

Sr. Meijer no ta un deskonosí pa e islanan. Asina, durante di su karera di 39 aña, na Sint Maarten el a fungi 5 aña largu komo Lider di Proyekto, komo hefe interino di establesimentu di RST i despues pa 3 aña largu den e funshon di Hefe di Reshèrshi/ Hefe Interino di RST i na Kòrsou komo Hefe di e tim “Bestrijding Ondermijning”, RST/TBO.

Den su funshon nobo komo Hefe Interino/hefe di Operashon di Kuerpo, su metanan pa Boneiru ta entre otro pa tuma akshon adekuá i duna reakshon rekonosibel na desaroyonan rápido den komunidat i e kambionan den tipo di kriminalidat ku esaki ta trese kuné ku ta forma retonan pa polis. Tambe e tarea pa intensivá  i garantisá e kolaborashon ku otro kuerponan di polis Karibense, RST i Polis Nashonal ta un punto di lansa.

‘Mi ta para mas tantu pa hasi kos huntu. Kada wowo den e kadena ta importante i pa e motibu ei ta importante pa haña ‘input’ di un i tur, riba esei mi ta enfoká’, segun Sr. Rob Meijer.