Kralendijk- Un mucha muhé ku a sali kana den mondi ku su mayoranan djaluna mainta, na momento dado a resultá pèrdí ora ela pèrdè su mayornan for di bista.

E mayornan a bati alarma despues buska masomenos 1 ora largu, sin logra enkontrá nan yu. Polis na nan turno a alarmá Wardakosta, ku a dispatchá mesora un helikòpter pa buska e mucha muhé. Aunke un patruya riba tera tambe a logra yega serka di e mucha muhé, esaki no ta por a yega na e outo di e patruya.

P’esei helikòpter a baha pa hisa e mucha muhé na bordo i pa transport’é pa aeropuerto, kaminda un ambulans tabata ward’é.

Banda di un doló di kabes i un desorientashon leve, e mucha muhé ta den bon kondishon.