Notisia

Helikòpternan nobo di Wardakosta Área Karibense operashonal

WILLEMSTAD – Wardakosta di Área Karibense a tuma dos helikòpter nobo den servisio pa hasi trabou di buska i reskatá. Defensa a sera un kontrakt ku Bristow Nederland B.V. E kompania aki ta mantené e avionnan i ta pèrkurá pa e tripulante.

Ku e entregá Wardakosta tin dos helikòpter-SAR ku por ta den laira dentro di 20 minüt.

Agusta Westland 189

Ta trata di dos helikòpter di e tipo Augusta Westland 189. Bristow ta bula i mantené e avionnan pa un periodo di 10 aña. E avionnan ta brinda lugá na djesnuebe persona sin konta e tripulante aden. Na bordo tin semper dos piloto, un ‘lierbedienaar’, un landadó pa reskate i un paramédiko di ambulans.

Ku e kontrakt interino ku Bristow Wardakosta a garantisá su kapasidat pa bula e helikòpter pa ofresé su servisio.

Un di e helikòpternan tin e kolónan di wardakosta i e otro tin e kolónan di e empresa Bristow. Mei mei di aña ámbos helikòpter lo tin e kolónan di wardakosta.

Deel dit artikel
Rocargo
Rocargo
Rocargo
Rocargo