Herbert Piar, presidente nobo di direktiva di UNKOBON

KRALENDIJK – Entrante promé di yüli 2022 Herbert Piar a tuma e presidensia di direktiva di UNKOBON ofer di Wietze Koopman. Huntu ku e otro miembronan di direktiva Herbert lo bai tene e reputashon di Unkobon, un organisashon di boluntario ku ta operá profeshonalmente, na laira.

Direktiva di UNKOBON ta konsistí awó di: Herbert Piar, presidente, Andy Lepelaars, tesorero i Marianne Grutters, sekretaria. Presidente saliente, Wietze Koopman, lo keda enbolbí den UNKOBON komo miembro di Bondsraad i tambe komo presidente di e komishon di trabou ku ta organisando e kaso hudisial kontra estado Hulandes.