Notisia

Herensia Kultural Rincon ta bai organisá dia di Rincon 2023

Representantenan di EPB, huntu ku Herensia Kultural Rincon. Pòtret: ABC Online Media

KRALENDIJK- E organisashon Herensia Kultural Rincon ta e instansia ku e aña aki ta bai organisá tur kos rondó di e selebrashon di Dia di Rincon e aña aki. 

Djabièrne atardi durante un enkuentro na Museo Chichi Tan a duna mas informashon tokante e detayenan rondó di e dia i e organisashon di Dia di Rincon. 

Di parti di Entidat Públiko Boneiru (EPB) diputado Elvis Tjin Asjoe i Papito Thomas di SKAL tabata presente na e presentashon di e grupo ku lo ta enkargá e aña aki ku Dia di Rincon 2023. Tjin Asjoe a primintí ku di parti di dia di gobièrnu ta bai wak kon por yega na un aporto financiero pa e selebrashon. Tambe, segun Tjin Asjoe a splika, lo bai papia ku entre otro kompanianan di aviashon, pa perkurá ku mas tantu hende por yega Boneiru den e dianan rondó di Dia di Rincon. 

Dia 25 di mart lo bai presentá mas detaye tokante e selebrashon di e aña aki. Tambe tin un website, www.diadirincon.org, kaminda lo bai publiká mas detaye. 

Deel dit artikel
Rocargo
Rocargo
Rocargo
Rocargo