Notisia

Hòfi Kultural den peliger ku mester dal porta sera

KRALENDIJK – Tabata Prinsesa Beatrix kende na apertura di Hòfi Kultural, na novèmber 2018, a konfia e hendenan di Hòfi Kultural: “sigui balia, sigui kanta, sigui toka músika”. Pero awor ta teme ku entrante 31 de desèmber 2022 ta pone un fin na tur esaki. E kontribushon anual di parti di Entidat Públiko Boneiru na Hòfi Kultural pa añanan kaba ta muchu abou. Hòfi Kultural pues ta bati alarma for di awor: “Aweró por ta nos lo mester desapuntá Prinsesa Beatrix i huntu kuné un kantidat di hende aki na Boneiru”.  

Na Hòfi Kultural kada siman tin mas ku kuarenta hende grandi ta toka músika huntu riba instrumentonan típiko boneriano manera kuarta, wiri i sinfonia. Ademas tin binti boluntario ta bai hasi paseo interesante ku hende grandi frágil na Boneiru. Hòfi Kultural ta prinsipalmente konosí pa e tantísimo muralnan kolorido ku a presentá rònt e isla. Artistanan huntu ku hóbennan i studiantenan di MBO ta hasi Boneiru mas kolorido ainda ku e tabata kaba. Tambe grupo di mucha i adulto ku fragilidat síkiko ta praktiká músika i arte na Hòfi Kultural. Hòfi Kultural ta empeñá pa mas kultura den enseñansa básiko. Dor di organisá enkuentronan pa maestronan i fundashonnan kultural i duna training na artistanan ku por bai traha den klas. 

Esakinan ta djis un selekshon di tur e aktividatnan ku ta tuma lugá na Hòfi Kultural pa mantené kultura bibu na Boneiru. 

Kultura pa tur! 

Esakinan tur ta kore peliger di disparsé pa motibu ku e finansiamentu básiko pa organisashon di e aktividatnan no ta sufisiente. Pa e motibu akí Hòfi Kultural a traha un proposishon di loke por mínimo ta nesesario pa laga e aktividatnan básiko di Hòfi Kultural kontinuá. E proposishon akí a keda entregá na deputado Nina den Heyer i Timoteo Silberie di Samenleving en Zorg riba djaweps 19 di mei. 

Pa mas informashon wak riba www.hofikultural.com 

Hòfi Kultural – Krea bo mes Mundu

Deel dit artikel
Rocargo
Rocargo
Rocargo
Rocargo