Hòmber ta muri na Kòrsou pa motibu di shòk eléktriko

WILLEMSTAD – Un hòmber a muri ayera despues ku el a risibí un shòk eléktriko durante trabounan ku un kòmprèser. E insidente a sosodé den Commanchestraat den kareda di 11’or di mainta.

No ta konosí ainda kon esaki por a sosodé. Un tim forense di polis ta investigá e sirkunstansianan di e aksidente di trabou. Segun testigunan e hòmber tabatin un herida na su kabes ora el a haña e shòk di 220V. Esaki por ta indikashon ku probablemente el a kai patras i a dal su kabes kontra un fuente di kortiente sunú.