KRALENDIJK- E revista hulandes Luchtvaartnieuws resientemente tabata tin un entrevista ku e direktor interino di Bonaire International Airport (BIA), Jos Hillen, tokante plannan pa futuru.
Segun Hillen a splika, tin hopi kos ku mester sosodé na aeropuerto. Ta finalisando un asina yamá masterplan pa ekspashon di a aeropuerto. Segun e último plannan, no ta bai konstruí un edifisio kompletamente nobo mas, sino ta bai ekspandé e terminal eksistente.
Un di e puntonan klave den e plan di Hillen ta pa bai separá e fluho di pasehero regional, for di esnan internashonal. Segun Hillen, esaki lo kondusí na muchu mas efisiensia pa e aeropuerto.
Sèn
Hillen ta bisa ku e konta ku Hulanda ora ta trata di finansiamentu di e plannan pa aeropuerto di Boneiru. ‘Hulanda ta responsabel pa e aeropuerto aki. Esaki ta nifiká ku nan mester kumpli tambe ku e plaka k uta necesario pa BIA realisaá su plannan’.
Segun Hillen, mester inbertí hopi tambe, pa sigurá ku e aeropuerto keda unu ku ta ‘seif’. Hillen ta bisa den e artikulo ku, si wak e kantidat di pasahero ku ta hasi uso di e aeropuerto, por konsiderá aeropuerto Flamingo e di 4 mas grandi di hulanda.
Tambe lesa:
Dos dama perdí na Klein Bonaire a wòrdu haña bastante lihé
Veterinarionan ta yuda flamingu ku pia kibrá
Bishita ta posibel atrobe pa habitantenan di Kas di Kuido
Paga tinu riba uso di awa | Aviso
