Notisia

Hopi hende a sali bai wak ‘Orange Pride’ baha na aeropuerto

Hopi hende a sali wak yegada di e avion na Donkey Beach. Potrèt: Harald Linkels

Kralendijk- Djasabra atardi basta un par di hende a bai para na Donkey Beach pa mira yegada di e Boeing 777 spesial di KLM ku ta karga nòmber Orange Pride, pa e nanishi di e avion ku ta pintá ful oraño na lugá di KLM su koló bou di kustumber.

Tambe por mira, na e parti dilante di e avion e kolónan di bandera di Hulanda. Tabata di dos biaha ku e avion aki a baha no Boneiru. E promé biaha tabata dia 21 di febrüari di e aña aki.

KLM a pinta nan avion ku registrashon PH-BVA parsialmente oraño despues di un kampaña riba media sosial, puntrando siguidónan ‘Kiko boso ta gusta mas, nos koló blou òf e koló oraño aki?’. Despues di mas ku 30.000 ‘likes’ KLM realmente a saka un di nan Boeing ‘Triple Seven’ nan parsialmente pintá na oraño. Unda ku e avion yega, rònt mundu, semper esaki ta hala hopi atenshon.

Deel dit artikel
Rocargo
Rocargo
Rocargo
Rocargo